ஏமன் ராணுவ தளத்தில் பாரிய வெடிப்பு; 6 பேர் பலி; 32 பேர் காயம்!

 

ஏமன் ராணுவ தளத்தில் உள்ள ஆயுதக் கிடங்கில் ஏற்பட்ட பயங்கர வெடிவிபத்தில் 6 பேர் உயிரிழந்தனர்.

ஏமன் அரசு படைகளுக்கும், ஹூதி கிளர்ச்சியாளர்களுக்கும் இடையே பல ஆண்டுகளாக சண்டை நடைபெற்று வருகிறது.  அந்நாட்டின் தற்காலிக அதிபர் மன்சூர் ஹாடிக்கு எதிராக கிளர்ச்சியாளர்கள் தாக்குதல் நடத்தினர்.

கடந்த ஏப்ரலில், மன்சூர் தனது அனைத்து ஜனாதிபதி அதிகாரங்களையும் ரஷித் அல் அலிமினி தலைமையிலான ஜனாதிபதி தலைமைத்துவ கவுன்சிலுக்கு மாற்றினார், போர் பல ஆண்டுகளாக நீடித்தது.

எனினும், ஏமன் அரசுப் படைகளுக்கும், ஹூதி கிளர்ச்சியாளர்களுக்கும் இடையே தொடர்ந்து சண்டை நடந்து வருகிறது.

இந்நிலையில், அந்நாட்டின் அப்யான் மாகாணத்தின் லாடர் நகரில் அரசுப் படைகளுக்கு சொந்தமான ஆயுதக் கிடங்கு உள்ளது.  அந்த ஆயுத கிடங்கில் நேற்று பாரிய வெடிப்பு ஏற்பட்டது.

இந்த குண்டுவெடிப்பில் அரசு சார்பு ராணுவ வீரர்கள் 6 பேர் உயிரிழந்தனர்.  மேலும், 32 பேர் படுகாயமடைந்தனர்.

தகவல் அறிந்து சம்பவ இடத்திற்கு விரைந்த மீட்பு படையினர் பலத்த காயமடைந்தவர்களை மீட்டு அருகில் உள்ள மருத்துவமனையில் சிகிச்சைக்காக அனுமதித்தனர்.

மேலும், இந்த வெடிப்பு தற்செயலானதா?  அல்லது திட்டமிட்ட தாக்குதலா?  பாதுகாப்பு படையினர் விசாரணை நடத்தி வருகின்றனர்.